Աշխատանքի նկարագրություն

«Վարդանանց» նորարարական բժշկության կենտրոնը աշխատանքիէ հրավիրում JCI ստանդարտների ներդրման և հավատարմագրման նախագծի ղեկավարի (JCI Project Manager), ով կղեկավարի միջազգային որակի և պացիենտների անվտանգության ստանդարտների ներդրման գործընթացը՝ նպաստելով բժշկական ծառայությունների որակի շարունակական բարելավմանը։

Ձեր պարտականությունները

1. Մշակել և կառավարել JCI միջազգային հավատարմագրման ստանդարտների ներդրման նախագիծը՝ ապահովելով փուլերի, ժամկետների և արդյունքների վերահսկումը։
2. Իրականացնել գործող գործընթացների համապատասխանության գնահատում (Gap Analysis), բացահայտել անհամապատասխանությունները և համակարգել դրանց վերացումը։
3. Համակարգել բժշկական և վարչական գործընթացների ստանդարտացումը, ներքին քաղաքականությունների և ընթացակարգերի մշակումը և ներդրումը։ Կազմակերպել աշխատակիցների վերապատրաստումները, ներքին աուդիտները և հավատարմագրման նախապատրաստական գնահատումները։
4. Վերահսկել պացիենտների անվտանգության և բժշկական ծառայությունների որակի բարելավմանն ուղղված միջոցառումների իրականացումը։
5. Ապահովել ստորաբաժանումների արդյունավետ համագործակցությունը և ղեկավարությանը ներկայացնել նախագծի ընթացքի վերաբերյալ պարբերական հաշվետվություններ։

Ձեր որակավորումները

1. Բարձրագույն կրթություն՝ բժշկության, հանրային առողջապահության, առողջապահության կառավարման կամ հարակից ոլորտներում։
2. Առնվազն 3 տարվա աշխատանքային փորձ առողջապահության կառավարման, որակի ապահովման կամ նախագծերի կառավարման ոլորտում։
3. JCI կամ առողջապահական այլ միջազգային հավատարմագրման ստանդարտների իմացություն։
4. Նախագծերի կառավարման, գործընթացների վերլուծության և ներքին աուդիտների կազմակերպման հմտություններ։
5. Կազմակերպչական, հաղորդակցման և միջստորաբաժանումային համագործակցության բարձր կարողություններ։
6. Հայերենի գերազանց և անգլերենի լավ իմացություն։
7. JCI հավատարմագրման նախագծերի իրականացման գործնական փորձը կդիտվի որպես էական առավելություն։

Լրացուցիչ տեղեկություններ

Մենք առաջարկում ենք՝

• Մասնակցություն բժշկական կենտրոնի զարգացման ռազմավարական նշանակության միջազգային նախագծին։
• Մասնագիտական աճի և միջազգային լավագույն փորձի կիրառման հնարավորություն։
• Համագործակցություն փորձառու բժշկական և կառավարչական թիմի հետ։
• Նախաձեռնողականությունն ու նորարարական մոտեցումները խրախուսող աշխատանքային միջավայր։
• Մրցունակ վարձատրություն՝ համապատասխան փորձին և որակավորմանը։

Դիմելու եղանակներ

1. Սեղմեք «Դիմել այս աշխատանքին» կոճակը, գրանցվեք և դիմեք մեկ քլիքով։ Մեկ անգամ գրանցվելուց հետո հետագայում կարող եք հեշտությամբ դիմել նաև այլ հետաքրքրող հաստիքների։

2. Սեղմեք «Արագ դիմում» կոճակը և ուղարկեք ձեր ինքնակենսագրականը (CV)։