«ԲԱՐՍԻՍ» ՍՊԸ-ն ի սկզբանե հայկական շուկա է մտել որպես L’OREAL ընկերության պաշտոնական ներկայացուցիչը Հայաստանում, որն իր մեջ ներառում է Garnier, Elseve և Maybelline ապրանքանիշները։ Ընկերությունն ուներ ընդամենը մեկ խանութ-սրահ, իսկ աշխատակազմը բաղկացած էր 12 հոգուց: Երկարատև և նպատակասլաց աշխատանքի արդյունքում այսօր «ԲԱՐՍԻՍ» ՍՊԸ-ն ներկայացնում է ՆՈՐ ՏՈՒՆ, KALDO և MARY ապրանքանիշները Հայաստանում։ Ընկերությունն ունի 29 խանութ-սրահ, համարվում է ՀՀ խոշոր հարկատուներից մեկը, իսկ աշխատակազմը բաղկացած է 700 հոգուց։ «ԲԱՐՍԻՍ» ՍՊԸ-ն զբաղվում է շինարարական ապրանքների, օծանելիքի և կոսմետիկ միջոցների, տնտեսական ապրանքների ներմուծմամբ, ինչպես նաև մանրածախ և մեծածախ վաճառքով։ KALDO-ն որպես առանձին ապրանքանիշ ստեղծվել է 2009թ.-ին և հանդիսանում է մետաղապլաստե և պոլիպրոպիլենային խողովակների խոշոր արտադրող։ Ներկրումն իրականացվում է աշխարհի տարբեր կետերից, մասնավորապես` Եվրոպայից ու Ասիայից:  Լինելով մեծածախ և մանրածախ առևտրով զբաղվող ընկերություն` «ԲԱՐՍԻՍ»-ը համագործակցում է ավելի քան 600 մեծածախ գնորդների ու խանութների հետ ինչպես Երևանում, այնպես էլ Հայաստանի բոլոր մարզերում: «ԲԱՐՍԻՍ»-ի տրամադրության տակ գտնվող հսկայական պահեստային տարածքները՝ մոտ 38.000մ2 , և լոգիստիկայի զարգացած համակարգն օգնում են առավել արդյունավետ կազմակերպել աշխատանքը: Ընկերության աշխատանքի ամենակարևոր և հիմնարար պայմանը ապրանքատեսականու որակն է, որը համապատասխանում է եվրոպական բոլոր չափանիշներին և հավաստագրված է մի շարք միջազգային սերտիֆիկատներով: