Աշխատանքի նկարագրություն

Հաշվետար-օպերատորը պատասխանատու է ընկերության հաշվառման, փաստաթղթաշրջանառության և օպերացիոն գործընթացների պատշաճ իրականացման համար՝ ապահովելով տվյալների ճշգրիտ մուտքագրումը, մշակումը և վերահսկումը։

Հաստիքի հիմնական նպատակն է ապահովել վաճառքների, պատվերների, առաքումների և հաշվառման տվյալների ժամանակին և ճշգրիտ վարումը, ինչպես նաև աջակցել փաստաթղթաշրջանառության և ներքին գործառնական գործընթացների արդյունավետ կազմակերպմանը։ Հաշվետար-օպերատորը սերտ համագործակցում է վաճառքի, պահեստի, հաշվապահության և բեք օֆիսի թիմերի հետ՝ ապահովելով տեղեկատվության ճշգրիտ փոխանցումը և աշխատանքային գործընթացների անխափան իրականացումը։

Ձեր պարտականությունները

• ձևակերպել հարկային հաշիվներ և հաշիվ-ապրանքագրեր E-invoicing համակարգում,

• պատրաստել և համակարգել վաճառքների, պատվերների և առաքումների ուղեկցող փաստաթղթերը,

• հավաքագրել, ստուգել, դասակարգել և արխիվացնել փաստաթղթերը,

• վարել ներքին հաշվառման ռեեստրներ և գրանցամատյաններ,

• մուտքագրել և թարմացնել տվյալները համապատասխան ծրագրերում, աղյուսակներում և հաշվառման համակարգերում,

• վերահսկել մուտքագրվող տվյալների ճշգրտությունը, ամբողջականությունը և փաստաթղթային համապատասխանությունը,

• հետևել պատվերների և առաքումների ընթացքին,

• համակարգել վաճառքի, պահեստի, առաքման և բեք օֆիսի միջև տեղեկատվական հոսքերը,

• հավաքագրել և մշակել գործառնական տվյալներ՝ վաճառքների, պատվերների, պահեստային շարժերի և առաքումների վերաբերյալ,

• պատրաստել օրական, շաբաթական և ամսական գործառնական հաշվետվություններ,

• Excel-ի միջոցով ամփոփել և ներկայացնել անհրաժեշտ տվյալները ղեկավարությանը,

• աջակցել բեք օֆիսի և տնօրենի ընթացիկ վարչական գործընթացներին,

• վարել ներքին և արտաքին նամակագրություն՝ ըստ անհրաժեշտության,

• գրանցել ղեկավարության կողմից տրված հանձնարարականները և հետևել դրանց կատարման ընթացքին,

• պահպանել ընկերության փաստաթղթային, գործառնական և ֆինանսական տեղեկատվության գաղտնիությունը,

• կատարել անմիջական ղեկավարի կողմից տրված այլ հանձնարարություններ՝ հաստիքի գործառույթների շրջանակում։

Ձեր որակավորումները

• բարձրագույն կամ միջին մասնագիտական կրթություն,

• օպերացիոն, հաշվառման, վարչական կամ փաստաթղթային աշխատանքում փորձը կդիտարկվի որպես առավելություն,

• E-invoicing համակարգի հետ աշխատանքի փորձը՝ ցանկալի,

• ՀԾ Առևտուր ծրագրի իմացությունը՝ ցանկալի,

• MS Excel և MS Word ծրագրերի լավ իմացություն,

• ռուսերենի և անգլերենի աշխատանքային իմացություն,

• տվյալների և փաստաթղթերի հետ ճշգրիտ աշխատելու կարողություն,

• բարձր կազմակերպվածություն և պատասխանատվության զգացում,

• մանրուքներին ուշադրություն դարձնելու կարողություն,

• ժամանակի արդյունավետ կառավարման հմտություններ,

• հաղորդակցման և թիմային աշխատանքի զարգացած ունակություններ,

• արագ կողմնորոշվելու և ընթացիկ խնդիրներին գործնական լուծումներ առաջարկելու կարողություն,

• գաղտնի տեղեկատվության հետ աշխատելու պատասխանատու մոտեցում։

Լրացուցիչ տեղեկություններ

ԱՇԽԱՏԱՆՔԱՅԻՆ ԳՐԱՖԻԿ

Աշխատանքային գրաֆիկ՝ երկուշաբթիից շաբաթ

Աշխատանքային ժամեր՝ 10։00–18։00, լրացուցիչ ազատ օր՝ ամսական 1 օր 

Աշխատավայր՝ ք․ Երևան, Էրեբունի վարչական շրջան (Արին Բերդ)

Աշխատավարձ՝ 200,000 ՀՀ դրամ՝ սկզբնական փուլում /վերանայում 3 ամիս անց/

Դիմելու եղանակներ՝

• Վերևում սեղմեք «Դիմել այս աշխատանքին», գրանցվեք և դիմեք մեկ քլիքով (մեկ գրանցումով՝ հետագայում կարող եք դիմել ձեր նախընտրած հաստիքներին)
• Ներքևում սեղմեք «Արագ դիմում»՝ CV ուղարկելու համար