Աշխատանքի նկարագրություն

Փնտրում ենք Պրոդուկտ մենեջեր, ով պատասխանատու կլինի ընկերության կայքի, CRM-ի և հարակից ՏՏ համակարգերի արդյունավետ աշխատանքի, զարգացման և շարունակական բարելավման համար։

Աշխատանքը ենթադրում է տեխնիկական խնդիրների և զարգացման աշխատանքների համակարգում, արտաքին ՏՏ գործընկերների և մատակարարների հետ համագործակցություն, տեխնիկական առաջադրանքների կազմում և վերահսկում, ինչպես նաև համակարգերի և տվյալների անվտանգության ապահովման գործընթացների համակարգում։

Ձեր պարտականությունները

Կայք, CRM և ՏՏ համակարգեր

• Համակարգել կայքի, CRM-ի և հարակից ՏՏ համակարգերի աշխատանքի ընթացքում առաջացող խնդիրների լուծումը։
• Վերլուծել համակարգերի բարելավման և նոր գործառույթների ներդրման անհրաժեշտությունը։
• Հավաքագրել և ձևակերպել բիզնես պահանջները և դրանց հիման վրա կազմել տեխնիկական առաջադրանքներ (ՏԱ)։
• Համակարգել արտաքին մատակարարների աշխատանքը։
• Վերահսկել կատարված աշխատանքների որակը, համապատասխանությունը տեխնիկական առաջադրանքին և սահմանված ժամկետներին։
• Կազմակերպել նոր ֆունկցիոնալների և փոփոխությունների թեստավորումն ու ներդրումը։
• Վարել տեխնիկական խնդիրների և հարցումների առաջնահերթությունները՝ ապահովելով դրանց ժամանակին լուծումը։
• Անհրաժեշտության դեպքում բանակցել ծառայությունների և տեխնիկական աշխատանքների արժեքների շուրջ և վերահսկել ծախսերի արդյունավետությունը։
• Փաստաթղթավորել համակարգերի հիմնական փոփոխությունները, գործընթացները և տեխնիկական պահանջները։

Տվյալների պաշտպանություն և տեղեկատվական անվտանգություն

• Համակարգել կայքերի, CRM-ի և ՏՏ համակարգերի անվտանգության ապահովման միջոցառումները։
• Հետևել համակարգերում հնարավոր խոցելիությունների բացահայտման և վերացման աշխատանքներին։
• Համակարգել տվյալների հասանելիության և օգտագործման իրավասությունների վերահսկումը։
• Հետևել տվյալների պաշտպանության և տեղեկատվական անվտանգության ոլորտի ժամանակակից մոտեցումներին։

Արհեստական բանականության (ԱԲ) անվտանգ օգտագործում

• Տեղյակ լինել ԱԲ գործիքների անվտանգ օգտագործման հիմնական սկզբունքներին։
• Վերահսկել գաղտնի, անձնական և ընկերության ներքին տվյալների ԱԲ գործիքներին փոխանցման հետ կապված ռիսկերը։
• Մասնակցել ընկերությունում ԱԲ գործիքների անվտանգ և արդյունավետ օգտագործման կանոնների մշակմանը։

Ձեր որակավորումները

• Բարձրագույն կրթություն՝ ՏՏ, կառավարում, բիզնեսի կառավարում կամ հարակից ոլորտում։
• Առնվազն 2 տարվա աշխատանքային փորձ IT Product Management, IT Project Management, CRM/Website Management կամ IT Systems Coordination ոլորտում։
• CRM համակարգերի և կայքերի/CMS համակարգերի կառավարման փորձ։
• Բիզնես պահանջները տեխնիկական առաջադրանքների վերածելու և ՏԱ կազմելու հմտություն։
• Ծրագրավորողների, ՏՏ մասնագետների և արտաքին մատակարարների աշխատանքի համակարգման փորձ։
• Տվյալների պաշտպանության և տեղեկատվական անվտանգության հիմնական սկզբունքների իմացություն։
• Թվային համակարգերի խնդիրները հասկանալու և համապատասխան մասնագետների հետ դրանց լուծումը կազմակերպելու կարողություն։
• Բանակցությունների և մատակարարների կառավարման հմտություններ։
• Վերլուծական և համակարգային մտածողություն։
• Առաջնահերթություններ սահմանելու և արագ կողմնորոշվելու կարողություն։
• Բարձր պատասխանատվություն և արդյունքի նկատմամբ հետևողականություն։
• Հայերենի գերազանց և անգլերենի լավ իմացություն։

Առավելություն կդիտվի

• Տեղեկատվական անվտանգության կամ կիբերանվտանգության ոլորտում դասընթացների կամ սերտիֆիկացման առկայություն։
• Անձնական տվյալների պաշտպանության վերաբերյալ ՀՀ օրենսդրության իմացություն։
• Agile/Scrum մեթոդաբանությունների իմացություն կամ աշխատանքային փորձ։
• Google Analytics, Google Tag Manager կամ այլ վեբ-վերլուծական գործիքների իմացություն։
• API-ների, ինտեգրացիաների և CRM/CMS համակարգերի տեխնիկական հնարավորությունների ընդհանուր պատկերացում։

Լրացուցիչ տեղեկություններ

Մենք առաջարկում ենք

• Մրցունակ աշխատավարձ։
• Մասնագիտական զարգացման և նոր տեխնոլոգիաների հետ աշխատելու հնարավորություն։
• Իրական ազդեցություն ընկերության թվային համակարգերի զարգացման և բարելավման վրա։

Դիմելու եղանակներ

1. Սեղմեք «Դիմել այս աշխատանքին» կոճակը, գրանցվեք և դիմեք մեկ քլիքով։ Մեկ անգամ գրանցվելուց հետո հետագայում կարող եք հեշտությամբ դիմել նաև այլ հետաքրքրող հաստիքների։

2. Սեղմեք «Արագ դիմում» կոճակը և ուղարկեք ձեր ինքնակենսագրականը (CV)։